巨星名人 @ 1987年第6屆新秀

張國榮 @ 1987年第6屆新秀
成晚卡士好勁, 好多巨星亮相, 只是以原唱者身份上台教路 (或做評判), 好似Leslie, 表演都冇, 星光熠熠輪流轉.


林憶蓮 @ 1987年第6屆新秀
唐韋琪 (彭美鳳) 由林憶蓮教路唱"決絕", 唐韋琪90年出"飄戀"大碟時, 許願做監製和形象指導, 因此被稱為「小林憶蓮」, 原來兩人早已見過面。


梅艷芳 @ 1987年第6屆新秀
唔講以為是模仿大賽, 唔使件衫都咁似喎, 呢位參賽者唱"似火探戈".


陳慧嫻 @ 1987年第6屆新秀
純白的可愛look, 她乜都冇唱, 只是上台搞笑和教路.


華星新秀&莫文蔚 @ 1987年第6屆新秀
台下都好多星和疑似情侶, 例如張衛健和江欣燕 (好像是情侶), 黎明和戴蘊慧, 羅明珠 (她當時簽華星), 後面有杜德偉, 文佩玲, 草蜢等. 右邊見到疑似17歲未入行的莫文蔚, 靠棚牙認出佢.


張學友 @ 1987年第6屆新秀
初時有人話劉錫明似張學友喎, 似嗎?


羅文 @ 1987年第6屆新秀
見到女dancer背脊咁大隻蠍子, 估到羅記唱"紋身的獵人"嗎? 佢以華星大阿哥身份做新秀中場表演嘉賓, 之後還唱了"掌聲響起".


梅艷芳+草蜢 @ 1987年第6屆新秀
四師徒示範搞笑執生方法, 當時草蜢只是伴舞, 未有自己歌曲, 但已有人有樣學樣, 就是三個女子的參賽者"蜘蛛女三人組", 都係蟲類生物, 她們唱"愛將".


葉蒨文 @ 1987年第6屆新秀
沙梨做台風獎評判, 又以原唱者身份向方曉虹教路.


江欣燕 張衛健 許志安 @ 1987年第6屆新秀
欣欣健仔拍緊拖了, 司儀拿他們開玩笑, 鏡頭又大特寫影他們, 坐旁邊的許志安, 蘇永康 (鏡頭外) 都一起笑他們, 那是最早期的Big Four (欠梁漢文).


Raidas @ 1987年第6屆新秀
教參賽者唱"別人的歌".


陳百強 @ 1987年第6屆新秀
丹尼教區鳳蘭aka區海倫aka區帶娣唱"Greatest Love Of All", 並不是廣東版"至愛"喎.


劉嘉玲 許晉亨 @ 1987年第6屆新秀
台上台下都勁多明星名人, 司儀劉嘉玲 (夥拍鄭丹瑞), 她當時有單新聞, 就是甩底無開工拍劇, 被人發現和男友許晉亨入馬場玩, 台上當然被人拿來笑, 原來許公子就坐在觀眾席, 當時劉嘉玲幾乎嫁左入許家, 點知後來真正許太是何超瓊and then李嘉欣.


河合奈保子 @ 1987年第6屆新秀
做表演嘉賓, 唱了"十六夜物語"和快歌"Unbalance".


呂方 @ 1987年第6屆新秀
差D漏左佢, 開場時唱"每段路", 幾乎全個華星的人都到齊.

No comments: