終於找到譚又銘

譚又銘 - 終於找到Love (1992)
作曲 : 後藤次利 作詞 : 黃霑
早在西歌12例 (二) 介紹過這首極品,現在MV新鮮上傳,睇過令人更love,名MV導演陳龍華執導,都救唔番土氣日本妹台風,慢音樂都要大動作跳舞加蛇擺腰,天馬行空,黃帽配打孖心形耳環先正,唔知邊位東洋形象指導負責。首歌的致命傷是半文半白夾英文的歌詞,「全部go go go,一於go,冇話no」,霑叔醒佢既,仲啟發到軟硬《老人院》的名曲《終於找到笠》,是一首安全性愛教育歌。

13 comments:

Anonymous said...

唔好話套衫﹐個MV 開果頭part 「勁舞」真係睇到噴飯。仲要個攝影師係咪細路黎架﹐開頭係咁搖﹐睇到頭暈眼花。

好驚訝當時仲有人會用廣東話填詞﹐甚麼樣樣係岩數﹑go go go 無話no﹐真係殺死人﹗

記得我曾經有過呢隻碟﹐係用賤價買返黎笑﹐因為JVC唱片公司好似幾特別。後來有朋友生日做左份禮物lu。

阿寶 Francis said...

嘩...我聽過晒佢成隻碟...真係正到暈低...仲有海港情未了.......OH MY GOD~!

Anonymous said...

覺得佢抄工藤靜香,畫副八字眉上去

P.S. 仍然珍藏呢張CD,五蚊買入

Agnes Tse said...

真係搵唔到詞語形容....."地上最強"都冇呀.

查實我對佢一無所知. 唔知笠小姐係咩野來頭呢.

Fun said...

個件七彩蝦條姐姐恤衫真係好good~ 我覺得係響恆豐中心買既多..

我記得佢當年第一次參加未偶得14歲,俾人話係天才小歌手.. 我記得佢唱阿倫既《最愛的你》,著住成套公主裙出黎,手仲“定”住個花籃架..

Anonymous said...

真係笑鬼死!

感覺上呢首歌應該都會幾岩李莉莉唱.

Unknown said...

後藤次利又係同工藤靜香作大部份既歌,個look抄唔出奇,當年關淑怡個look都係抄工藤靜香,只係當年日本歌在香港低潮冇乜人發覺姐。
黃霑交行貨歌詞﹗

Agnes Tse said...

李莉莉唱, 何只蛇擺腰呀.

Unknown said...

身材唔差得個李莉莉^o^

Unknown said...

真係笑到碌地~感謝分享~

P.S.唔係想話頂撞版主~但當年軟硬首歌好似係叫"點解要大家笠"喎~

chi said...

pang,

你一定沒有聽過軟硬的《老人院》節目,我不是說唱片,當年他們還未有《點解要大家笠》這首歌,已常在節目中唱《終於找到笠》。

Anonymous said...

好明顯抄

Anonymous said...

兩個都係SK🤣