新春祈求大合唱

寶系群星 - 恭喜恭喜 (1991)
主唱 (依出場序) : 劉德華、關淑怡、李克勤、黃凱芹、黃翊、張學友、軟硬、周影、草蜢 (譚詠麟演出MV)
包括寶麗金、新藝寶、寶藝星歌手


續上集大合唱專題,新春亦有很多同仝鞠躬式的歌曲,寶記華納大家庭,都喜歡擺出齊齊整整模樣,打恭作揖,現在連英皇金牌也不作興這一套了。娛圈咁亂,邊有心情?

華納群星 - 祝福你 (1993)
主唱 (依出場序) : 林子祥、葉蒨文、劉德華、何婉盈、曾航生、蔡立兒、張衛健、呂方、杜德偉、劉錫明、鍾鎮濤、太極
劉華跳槽好密


吳君如 - 恭喜發財利是來 (1993)
賀年rap歌,精警處是吉祥說話急口令,恭喜發財利是逗來出入平安刀槍不入龍馬精神妙手回春步步高陞一柱擎天身體健康亭亭玉立學業進步一知半醒情場得意財色兼收東成西就東方不敗財經新聞一毛不拔煎堆碌碌金銀滿屋大殺三方戰無不勝一箭雙鵰蝦餃燒賣鳳爪排骨如來神掌金雞獨立齊人之福一團和氣,有幾句好似講緊冠希慾照。


譚詠麟 - 恭喜發財 (1985)
作曲 : 楊雲驃 作詞 : 黃百鳴
以前過年必有賀歲片,現在才這樣凋零,這是電影《恭喜發財》主題曲,為了討好後生仔,混入霹靂舞音樂元素,都算是一次中西crossover。我讀中學時,每逢農曆年譚詠麟必定出碟,是一件新年大事,學生的利是錢總有一兩封給了他,《恭喜發財》來自85年賀年猛碟《愛情陷阱》。


梅艷芳 + 陳秀雯 + 景黛音 (feat. 廖偉雄) - 新春大吉 (1985)
景黛音綽號整袋金,幾好意頭,她當時和阿梅拍緊《香江花月夜》,不知為何缺了蔣麗萍,換上震盪雯,這個組合頗少見。賀年歌喜用活潑方式演繹,rap頗常見,即是現在的featuring。

3 comments:

Holf Yuen said...

真係有《恭喜發財利是來》,正!記得當年呢隻歌係叱吒榜no.1

校長隻《恭喜發財》我都好鍾意,冇記錯的話呢套係我第一套入戲院睇的電影...

Ogake said...

有首最新既係BMA群星大合唱,是是但但幾首新年歌加埋球隊一堆人柴哇哇大合唱。
舊年Twins同草蜢都好似有一首,感覺都係求求其其有首歌應下市咁~~

Anonymous said...

君如《恭喜發財利是來》呀!
搵得好辛苦呀我,嘩!!
呢鋪真係發達喎,多謝chi兄。

喵年快樂!